Zo Moutve T Holden – Ede Staal – letras

Ik luip even om t hoes tou, toun kwam ik mien buurman tegen,Moi Hinnerk, man, wat was t wat mit dij regen,Mit aal dij natten was t veur de boeren n strop,Mor t is weer dreug en wie kinnen toene weer op.Zo moutve t holden,Zo moutve t holden.As t aits kin.(2x)Ik ging lest noar Zoltkamp, ik was der in joaren nait west,t Was twinteg joar leden, toun was ik doar veur t lest,Mien laive tied, wat is t doar mooi aan t Lauwersmeer,En aal dij nije plannen vergeet ik laiver weer.Wat stonk ons woater vrouger voak bie haarfstdag,En ie waiten ook wel dat t nait aan n bunzel lag,Toch wordt t zo schoon dat elk en ain weer zwemt,Wel t eerst vernemt, dij het t din zulf in t hemd.De ain zegt ‘Grunnegers’, de aander ‘boers’ of ‘plat’,Mor t dialekt zat toch wat op zien gat,Toch wordt t de leste joaren nogal n bult aan doan,En as t aan mie legt zel t nooit noar de bliksem goan,